Paghahanda ng daan para sa pagbawi ng mga magsasaka ng mais dahil sa pagtama ng bagyo sa Cagayan
Kabilang si Artemio Orpilla sa maraming magsasaka na nahihirapang tanggapin ang pinsalang dulot ng mga bagyong Rolly at Ulysses sa Cagayan, Philippines. Ang mga komunidad ng magsasaka dito ay dumanas ng maraming sakuna at ngayon ay sinusubukang iangat ang kanilang mga sarili at palakasin ang kanilang kabuhayan sa pamamagitan ng pagsasaka ng mais. Sa paghahanap nila ng paraan upang makabangong muli, sila ay nakatanggap ng suporta mula sa Yellow Corn Project na inilunsad ng Cargill at Save the Children Philippines noong Oktubre 2021. Sa nakalipas na ilang buwan, 430 na mga pamilya ng magsasaka ng mais ang nakinabang sa proyekto.
Bilang isang maliit na magsasaka ng mais, palagi akong nakakaranas ng mga problema sa panahon ng pagtatanim dahil wala akong sapat na pera para pangpuhunan. Sa pamamagitan ng mga farm inputs tulad ng mataas na kalidad na mga binhi at pataba na natanggap ko mula sa Yellow Corn Project, nabawasan ang aking gastusin para muling maibangon ang aking sakahan at mapataas ang aking ani. Lubos na nabawasan ang aking mga alalahanin.
T: Ano ang layunin ng Yellow Corn Project?
Ang proyekto ay may apat na pangunahing bahagi:
- Pagbibigay ng mga libreng farm inputs na hindi lamang nakatulong sa mga magsasaka ng mais na maghanda nang mas mahusay para sa panahon ng pagtatanim, ngunit nakapigil din sa kanilang pagkuha ng mga pautang na hindi nila mababayaran.
- Pagbibigay ng pagsasanay at kaalaman sa pagpapaunlad ng kapasidad sa mahusay na pagsasaka, mapapanatiling mga kasanayan sa mais at pamamahala sa pananalapi
- Pagtiyak ng mataas na kalidad ng ani sa pamamagitan ng pagbibigay sa mga magsasaka ng suporta matapos ang ani, tulad ng pasilidad sa pagpapatuyo ng ani at panukat ng halumigmig
- Ang pinaka-kritikal na aspeto: pag-uugnay ng mga magsasaka sa mga pamilihan, kabilang ang mga korporasyon tulad ng Cargill, upang makatulong sa pagbigay ng tamang pagpepresyo ng ani. Kinikilala ng mga magsasaka na ang ugnayan sa merkado ay kanilang mapapakinabangan nang higit pa sa mga libreng farm inputs at pagsasanay sa kalaunan.
Ang Agriculture is how ay kung paano natin tutugunan ang pagbabago ng klima at patuloy na mapakain ang lumalaking populasyon. Nagsusumikap ang Cargill na bumuo ng isang matibay na industriya ng agrikultura at mapabuti ang kabuhayan ng mga magsasaka, sa pamamagitan ng pag-uugnay sa kanila sa mga internasyonal na merkado at pagbibigay ng access sa mga kasangkapan at pagsasanay. Ang Yellow Corn Project ay nagbibigay-daan sa mga magsasaka ng mais na makabangon mula sa mga sakuna sa Cayagan, Pilipinas, sa pamamagitan ng pagbibigay sa kanila ng mga pagsasanay at mga pagkakataong pang-kabuhayan.
T: Ang proyekto ay ipinatupad sa lugar na nakaranas ng dalawang bagyo, na humantong sa matinding pagbaha at pinsala sa sektor ng agrikultura, na mas lalong pinatindi ng pandemya ng COVID-19. Anu-ano ang mga hamon sa pagpapatupad ng proyektong ito sa isang komunidad na labis na tinamaan ng mga sakuna?
Ang isa sa mga pinakamalaking hamon ay ang pagtukoy kung sino ang nangangailangan ng higit na suporta, na isinasaalang-alang ang mga pagkukunan ng pondo. Ito ang nagbunsod sa amin na maglapat ng aming pamantayan sa pagpili ayon sa kahinaan upang matukoy ang pinaka-vulnerable na pangkat ng mga magsasaka ng yellow corn. Bukod rito, hinadlangan ng Covid-19 ang aming pagpunta sa mga komunidad. Dito ay nakatanggap kami ng suporta mula sa mga lokal na mamayan at kasamahan sa proyekto, na tumulong sa pamamahagi ng mga farm inputs sa mga magsasaka na pinaka-apektado.
Ang Cargill sa Pilipinas ay sumusuporta sa pambansang pag-unlad sa ilalim ng OneDA Framework – konsolidasyon, modernisasyon, industriyalisasyon at propesyonalisasyon, sa pamamagitan ng pagsasama ng mga magsasaka sa ating supply chain. Dahil sa mga magagandang resulta at mga aral na natutunan mula sa pilot project na ito na isang inclusive business kasama ang mga maliliit na magsasaka, nilalayon ng Cargill na ipatupad ang programang ito nang may mas malawak na saklaw sa mas maraming kooperatiba ng mais at mga stakeholder mula sa pribado at pampublikong sektor ng Cagayan Valley at maging sa iba pang rehiyon.
T: Paano ang pagtanggap ng mga magsasaka sa pagsasanay sa pagbuo ng kapasidad? Ano ang naging epekto sa lipunan at ekonomiya ng proyekto?
Naging katanggap-tanggap sa mga magsasaka ang mga pagsasanay na ito, na nagpataas ng kanilang kita kaalaman para mapababa ang gastos nila sa produksyon at mapataas and kanilang kita, na nagbigay sa kanila ng higit na katatagan sa pananalapi. Sa huli, ang proyektong ito ay makatutulong sa ekonomiya ng munisipyo, lalawigan, at ng buong bansa.
Binubuhay ng inisyatibong ito ang lokal na ekonomiya, at ang tagumpay nito ay nagbigay pag-asa sa Cargill na maaari itong gayahin na ipatupad sa mas maraming kooperatiba ng mais.
“Tuwing panahon ng pagtatanim, nahihirapan ako sa pagbili ng mga farm inputs na gagamitin sa aking sakahan. Sa pamamagitan ng mga tulong na natanggap ko mula sa proyekto, kasama na ang mga binhi at pataba, ay nakapagtanim ako sa isang ¾ ektarya at nakapag-ani ako ng 80 sako ng yellow corn,” sabi ni Arcely Valle mula sa Baggao.
Randy Enderes, Merchant, Cargill Animal Nutrition, ipinaliwanag ang papel ng Cargill sa proyekto, “Tinutulungan namin ang mga maliliit na magsasaka sa pamamagitan ng pakikipagtulungan sa Santo Domingo Multi-Purpose Cooperative na ngayon ay aming accredited supplier na ng yellow corn. Ang pagpasok ng Cargill sa lugar bilang isang mamimili ay nakatulong sa kooperatiba sa pamamagitan ng paglalagay ng pamantayan sa presyo ng mais. Nakakatulong ito na lumikha ng katatagan sa pananalapi para sa mga lokal na maliliit na magsasaka, sa pamamagitan ng pagprotekta sa kanila mula sa matinding pagbaba ng presyo ng mais.’’